da zimmamånn & i

in de åltn kåltn und de weitn zeitn
in de wås heit de guatn send
då is koa plåtz zan redn und trama gwen

wo jeda våda lehra und a jeda moasta
ålls des wås eahm nid ebn is schleift
brauchts koan der was bergreift wås er nid åndagreift

in so ach welt håt ålls
des wås an sinn håt a sein zweck
und ålls des wås koan nutzn håt
des ghecht gånz oafåch weg

auf an sunntåg vormittåg gånz aus n blåbn
steaht auf oamål oana då
de leit håbnt gsågt des wa da zimmamånn

so oan wia den den håt ba ins no nia oach gseahchn
so frei so scheich so liachte augn
er hat glei gsågt geah mit es wecht da taugn

kimm påck die zsåmm
weil länga då bleibn bringt nid vi
und nåchand sen ma gång
da zimmamånn und i

durchs tiafe tal und über s wåssa semma gånga
und durch de tram va tausnd jåhr
ins noie lånd weit hinta schean und wåhr

gånz ohne gwalt und a gånz ohne jede åbsicht
håmma de welt in trümma ghaut
und aus de scherbn håbn mia a noie baut

er håt ma gsågt wånns d seahchn wills
t då derfst di nid vastelln
und wia r a wieda gånga is
bin i a åndra gwen

(c) fritz messner / roabee music

Querschläger Homepage (neues Fenster)