klondorf-rallye

i fåhr so gern durch österreich, durch unser schönes lånd
weil då san alle dörfa gleich und nix is unbekånnt
vom neusiedler zum bodensee, egal wia s kaff a hoaßt
du woaßt genau wås kemma werd bevor du einefåhrst

zerscht kimmt des taferl ortsgebiet mit "grüaß di gott" und blumentrögerl
s plakat für de touristn mit natur und wånderwegerl
glei hinterm penny-markt kimmt scho da erste kreisverkehr
de ömv de esso und danebn da clip-friseur
a tåfel achtung kinder vorm fuaßgängerübergång
då traut si eh neamd drüber deshålb wårtst da nia går lång

hiatz kimmt de wåschånlåg und glei danebn de tankstell von bp
da billa und da pipa und da öamtc
3 autohändler und danebn des neie wettbüro
da schlecker da dm und gittis sonnenstudio
und in der tischlerei de kürzlich pleite gånga is
san hiatz da forstinger und franzis würschtlparadies

i fahr so gern

fehlt no de gstättn hinterm lidl wo s kulturhaus baut wordn wa
drauf stengan wåhlplakate von lokalpolitika
a grindigs beisl des hoaßt meistns tschecherl oder stamperl
denebn a haus mit vorhäng zua und lauta rote lamperl
und überåll san transparente von der bürgerwehr
weil de san då ånscheinend gegen jede årt verkehr

was hiatzt no kemma muas des is s gemeindewåppn auf an roa
umrahmt von kitsch und glumpat aus der pseudo-volkskultur
drauf passt genau des lågerhaus beim zweitn kreisverkehr
und hinter leiner kika möbelix und feuerwehr
die tåfel mit ortsende gute fahrt auf wiedersehn
a grindigs blumentrögerl und dånn is s des a scho gwen

i fahr so gern

stengan - stehen, roa - hügel,hang gwen - gewesen,

(c) fritz messner / roabee music

Querschläger Homepage (neues Fenster)