ålls in dir selba

dei gånzas lebn
lieg ausbroat vor dir då
åls wia r an ålta måntl
du geahst ohne eahm davon
und wås is bliebn?
wånnst zruckschaust hiatz am end
siehgst du bist de meiste zeit
glei gsprunga und glei grennt
vor deina ångst davon
dein glück glei hinta he
vü z spåt hast gmerkt
de zeit im lebn vageaht so schnell

dei gånzas lebn
håst gsuacht und gschürft und gråbn
nåch glück und gold
und nåch da åntwort auf de letztn frågn
und wås is bliebn?
wås is da hiatz no gwiss?
a såtz wia r a kalenderspruch
weil s echt so oafåch is
es geaht nid um des håbn
es geaht glei um des sei
weil jeda håt ålls wås er braucht
schoa in eahm drei

es is ålls in dir selba
tiaf eiwändig drei
is ålls wås d brauchst zum sei
es is ålls in dir selba
des is an jedm gebn
und a jeder lebt sei lebn
es is ålls in dir selba
liacht und schåttn engl teife
liab und håss und glabn und zweife
ålls in dir selba
a jeda måcht sei roas
und a jeda schliaßt sein kroas

a ganzas lebn
es wiag was hat am end
de zeit kimmt neahman zruck
ganz gleich ob gnutzt oda vaschwendt
und wås is bliebn?
wås nimmst fi di no mit?
wås is da rest vom gånzn?
wås is des wås hiatz no zählt?
ålls wås d daglångt håst
is vagessn und vorbei
es oanzige wås bleib
is s gfühl eiwändig drei

eiwändig - innen, kroas - keis,
daglångt - erreicht, erlangt, erworben