wånn da jaga iban
bettlmandltauang steaht
is winta
und da reifrost steckt
seine glåsscherm auf de bam
da monat kuglt hoam
åls wia r a blinta
und jåg ma schwåchze vegl
durch de tram
durchn hohlweg
påcknts nur de stårchn
und iban kreizweg
kå nid jeda geah
da oa wis wissn
zacht an muaz an gåchn
da åndre huckt se hi
und låßtn steah
wånns d a wåhrat håst
brauchst d neama streitn
und wånns d n weg woaßt
nåchand brauchst nid frågn
da wintahimme
der håt 1000 seitn
und mittn drei håst schne
dein steang valång
(c) fritz messner / roabee music